?
Í öllum 11 söfnum á íslensku      Aðeins í Braga, óðfræðivef     Nákvæmari leit

Afmæliskveðja

Fyrsta ljóðlína:Nú ár hafa liðið í aldanna skaut
Höfundur:Bjarni Lyngholt
Bragarháttur:FJÓRIR:ÞRÍR : aBaaB. Hreinn þríliðaháttur. Forliður.
ss
h
ss
h
ss
Viðm.ártal:1900
Tímasetning:1893
„Til frú Mörtu Jónsdóttur á Seljalandi [þegar hún var 25 ára. Á gamlársdag 1893.])“
Leturstærð
Afmæliskveðja

1.
„Nú ár hafa liðið í aldanna skaut“
og áranna fjöldi er hulinn,
en ýms er þó minning á ævinnar braut –
frá umliðna tímanum – gleði og þraut,
sem ei verður afmáð né dulin.

2.
Já, margs er nú, Marta, að minnast i kvöld
og mikil og háleit er stundin.
Þú fullkomnað hefur nú fjórðung af öld;
sem fæst ei til baka, því daganna fjöld
er talin og takmörkum bundin.

3.
Þú horfir til baka, en horfið er allt
með hverfandi tímanna straumi.
Þú lítur til baka, en liðið er allt –
þig langar það kaupa, en það er ei falt;
þú lítur það líkt og í draumi.

4.
En eftir er tími því eftir er líf,
sem örlaga rúnirnar þýðir.
Hann færir þér gleði? Hann færir þér kíf?
Hann færir þér dauða? – Hann færir þér líf?
– Hann færir þér friðland um síðir.

5.
Vér óskum þér blessunar, ókomin ár
vér óskum þér hamingju, Marta!
Vér óskum þú eigir mörg ólifuð ár;
Vér óskum þér samhuga: Gleðilegt ár.
Vér árnum þér heilla af hjarta.
Ljóð höfundar – Bjarni Lyngholt
Heiti:Afmæliskveðja
≈ 1900
Fyrsta ljóðlína:Nú ár hafa liðið í aldanna skaut
Flokkur:AfmŠliskvŠ­i
Heiti:Barnið mitt
≈ 1900
Fyrsta ljóðlína:Blómið féll en stofninn stendur
Flokkur:EftirmŠli
Heiti:Eintal
≈ 1900
Fyrsta ljóðlína:Það er svo sælt að sitja ein
Heiti:Grafskrift
≈ 1900
Fyrsta ljóðlína:Yfir hann sem liggur hérna látinn
Heiti:Ísland
≈ 1925
Fyrsta ljóðlína:Særinn er úfinn en svipvindar skýbólstrum feykja
Flokkur:Ăttjar­arkvŠ­i
Heiti:Sumarmál
≈ 1900
Fyrsta ljóðlína:Það rís upp hvert líf þegar röðullinn skín
Heiti:Til lesandans
≈ 1900
Fyrsta ljóðlína:Í brekkunni heima, við bjallanna skjól
Heiti:Vinsamleg tilmæli
≈ 1900
Fyrsta ljóðlína:Ég veit er ég dey svo að verði ég grátinn
Lausavísur höfundar – Bjarni Lyngholt
Engin lausavísur skráðar eftir þennan höfund