?
Í öllum 11 söfnum á íslensku      Aðeins í Braga, óðfræðivef     Nákvæmari leit

Formannavísur á Drangeyjarfjöru (1925)

Fyrsta ljóðlína:Tekst eg í fang að telja þá
Bragarháttur:Ferskeytt – hringhent (hringhend ferskeytla) – hringhenda.
FJÓRIR:ÞRÍR : aBaB. Frjáls forliður.
ss
h
ss
h
Viðm.ártal:1925
Tímasetning:1925
Leturstærð
Formannavísur á Drangeyjarfjöru (1925)

1.
Tekst eg í fang að telja þá
týra spanga káta
eyjar- Dranga er fjöru frá
flaustur ganga láta.

2.
Ægis mýrar útá hvar
öldu stýra hröfnum.
Byrgin dýru bragna þar
bæja skíri nöfnum.

3.
Æst þó freyði aldan reið
áls á greiður hjallinn
snýr frá Breiðabólstað skeið
Baldvin heiðurskallinn.

4.
Æðru hafnar ekki seinn
æði ei Drafnar letur.
Út frá Stafni Aðalsteinn
öldu hrafninn setur.

5.
Brim þó svaði söndum á
sér við skaða varnir
týhugaður teljast má
Torfustaða Bjarni.

6.
Oft þó má við elli rjá
anda ei háir glöðum
knörr um bláa, keyrir, lá
Keli á Hásteinsstöðum.

7.
Þó Rán á sundi rýri blund
ráð við grundar meini.
Súð lét skunda sels á grund
Símon undan Steini.

8.
Hleypa þorði hauðri frá
hesti borða vænum.
Hannes storðu hnýðings á
hélt frá Norðurbænum.

9.
Afla hresstur aðföngum
áls þó hvessti um mýrar
Þorkell sést frá Sólheimum
siglu hesti stýra.
Ljóð höfundar – Sigurjón Jónasson bóndi Skefilsstöðum, Skag.
Lausavísur höfundar – Sigurjón Jónasson bóndi Skefilsstöðum, Skag.
Fyrsta lína:Drekkur sólar dýrðleg rún
Sýna 16 lausavísur eftir höfundinn í öðrum söfnum á braganetinu