?
Í öllum 11 söfnum á íslensku      Aðeins í Braga, óðfræðivef     Nákvæmari leit

Saknaðarljóð

Fyrsta ljóðlína:Andvarp mitt hneigist oft til þín
Bragarháttur:FJÓRIR:ÞRÍR : aaBccB. Forliður.
ss
h
ss
ss
h
ss
Viðm.ártal:1825
Flokkur:EftirmŠli
Undir titli stendur: „Eftirmæli eftir Pál Þobergsson.“
Leturstærð
Saknaðarljóð

1.
Andvarp mitt hneigist oft til þín
í öllu sem gerir vel til mín,
hjartans bæn heyr þú mína.
Láttu mig, eins þá angur sker,
öflugt þolgæði brúka hér
og allt meta ástgjöf þína.

2.
Hann, sem nýlega vinur var
og viðauki gleði jarðneskrar
allra ástvina þinna,
horfinn er nú úr heiminum,
hefur því vist með útvöldum
sæl vera sálarinnar.

3.
Hentur félagi voru varst,
vit og atgjörvi líka barst
til þess að tefja lengi,
en hæfari þó í himna stað
hefur þú verið, því er það,
sæll vinur, svo til gengið.

4.
Ungur á sumri ævinnar,
útbúinn gæðum hreystinnar,
en framkvæmd í fullum blóma,
til þess að græða manna mein
menntuð þín höndin var ósein,
sjúkir þinn söknuð róma.

5.
Þetta nýgjörva heilsuhnoss,
hugðum vér öll að mundi oss
gefið til gæfu lengi.
Tvær höfuðskepnur samt* frá sér
sendi guð hingað eftir þér.
Hans vegi hyggur engi.

6.
Hver yfir slíku klagað fær
Kári þótt æsti Ránar mær
guðs til að gegna vilja.
Hans að ákvörðun hefur þú
hlotið á þessum tíma nú
við heim og vini að skilja.

7.
En hvað þeim öllum hver fyrir sig
kom nú óvart að missa þig
útmála hirði ég eigi.
Þótt vegferðarkossinn vinur þinn
viðkvæmast harmi missi sinn
að sælum samfunda degi.

8.
Guð, sem vorn missi þekkti þó,
þóknaðist hvorki vind né sjó
á þeirri stund að stilla.
Í sömu mund því í sæluvist
sálin þín átti í ríki Krists
æðsta fögnuði fyllast.

9.
Landtökuvinir þínir þar
þeir hafa meir en veraldar
aukið ánægju þína.
Fullkomnun þreyða færðu þar
frelstur í ríki sælunnar
með yndi sem aldrei dvínar.

10.
Ástvinum mínum ungu hjá
engill dýrðlegur himnum á
sæluna þeirra þekkir.
Eilífa skemmtun auka þér
önnur störf þar en veitast hér,
sáran því syrgjum ekki.

11.
Vinur í fjarlægð, vinur nær
varstu, fóstbróðir, einkarkær
ávallt mér innst í geði.
Huganum skemmtun ennþá er
að upprifja það sem nú er mér
enn framar gagn en gleði.

12.
Samtal þitt gladdi mjög oft mig
mörg þótti stundin yndisleg
á æskunnar liðnu árum.
Því er ei furða þó að minn
þankinn horfi á missi sinn
söknuði bundinn sárum.

13.
Eg gjöri mér þá yndisvon
að andi þinn, Páll minn Þorbergsson,
sál skemmta megi minni
í öðrum heimi á æðri stað
hvar engir framar skiljast að
en fagna í farsældinni.

14.
Mér er svo sem ég sjái nú,
sæli vinur, er kemur þú
guðsríkis glaðværð meður
fegins hugar að fagna þeim
er för þína syrgðu mest úr heim,
en hugsvölum helg þá seður.

15.
Skilnaðarkvíði hverfur þar
en kætir geð vissa sambúðar
hvar útvaldir eiga heima
með alls konar sæluuppfylling
í órótanlegum vinahring
þar pláss mér guð virst gleyma.
5.4 þó] > samt (þó líklega misritun þar sem stuðlasetning heimtar s).
Ljóð höfundar – Guðný Jónsdóttir frá Klömbrum
Fyrsta ljóðlína:Gott er að kætast góðum meður
Flokkur:Br˙­kaupsljˇ­
Heiti:Saknaðarljóð
≈ 1825
Fyrsta ljóðlína:Andvarp mitt hneigist oft til þín
Flokkur:EftirmŠli
Lausavísur höfundar – Guðný Jónsdóttir frá Klömbrum
Sýna 5 lausavísur eftir höfundinn í öðrum söfnum á braganetinu