?
Í öllum 11 söfnum á íslensku      Aðeins í Braga, óðfræðivef     Nákvæmari leit

Fortölur

Fyrsta ljóðlína:Hvað! Sérðu ekki fánana er fara um heim
Bragarháttur:FJÓRIR:ÞRÍR : aaBccB. Hreinn þríliðaháttur. Forliður.
ss
h
ss
ss
h
ss
Viðm.ártal:1900
Leturstærð
Fortölur

1.
„Hvað! Sérðu’ ekki fánana’ er faraĺ um heim
og fylkingar mannanna’ á eftir þeim?
Og’ heyrirðu’ ei herópin gjalla,
er foringjar mannkynsins fylkja lýð
til framsóknar út í hið mikla stríð
og eggja til þátttöku alla?“

2.
„Og sérðu’ ekki, maður, hve foldin er fríð
og festing himinsins stór og víð,
og veggir í allar áttir?“
– „Jú, kringum mig heyri ég köll og hróp
og kröfur og bönn og neyðaróp.
Þeir eru um ekkert sáttir.

3.
„En framundan sjá þeir i ljóma lönd
ljósi’ yfir tindum og bjartri strönd.“
– „Hvað eru þeir þá aö þrátta’ um?“
– „Þeir þrátta’ um hvern veginn velja ber.“
– „En víði, blái himininn er
jafnnærri i öllum áttum.“

4.
„Fyrir hugsjónir sínar þeir heyja stríð.
Að hefja, göfga og mennta lýð
er takmark hugsandi heimsins;
að bera sannleikans logandi ljós
í leit eftir heimsins fegurstu rós
um ókunnar álfur geimsins.

5.
„En uppskeran þá, eftir alt það strit ?“
– „Þeir auka í heiminum skilning og vit.
Slíkt er þó vart einskis virði.“
– „En skapar þá vitið lánsamt líf,
og læknar það mannanna böl og kíf
og léttir það lífsins byrði?“

6.
–„Hinn góði, hinn vitri, hinn göfugi kýs
að gera jörðina’ að paradís
og alla menn englum jafna.
En annar vill leiða eina þjóð
í öndvegið; það er líka góð
hugsun, sem síst má hafna.“

7.
– „En það veröur eilíft, en ónýtt stríð,
því enginn má segja jarðar lýð,
hvar eigi’ hann aö lokum að lenda,
og gatan til þessa Gósenlands
með gæfu og fullkomnun sérhvers manns
á hvergi’ í alheimnum enda.“

8.
„En stefnan er áfram, og eitt er víst:
Þótt áform mannanna náist síst,
þá eru þeir allir að vinna,
og launin: fé og frægð og hrós,
því fram yfir dauðann skín af þeim ljós,
sem einhverju’ í alvöru sinna.“

9.
– „Ég sé ekki tilveru takmark neitt,
mín trú er dáin og vonin þreytt
á leit eftir ljósi á vegi,
og yfir mig leggst eins og eilíf nótt,
með andvöku’ er drepur lífsins þrótt
og draumana’ og von eftir degi.“

10.
– „Þá þekkirðu heimsins hæstu neyð,
og hrelldum sálum skalt vísa leið
til bjartari og betri landa.“
– „Ég sjálfur eygi þar enga brú.“
– „Jú, einmitt á slíkum vegi ert þú
til ljóssins og lífsins stranda.“

11.
„Ég veit það að jöröin á líf og ljós,
og laðandi tál, með blóm og rós,
fyrir þá sem ei auðnina eygja.
Ég hef hrópað um bending í himininn,
en huganum hvergi svölun finn,
og sál mín er sífellt að deyja.“

12.
„Þú heyir í eigin huga stríð
við hugsun, sem engin leysir tíð,
og eykur þér efa og sorgir.
En semdu sem fyrst við þig sjálfan frið,
og svo skaltu aftur reisa við
þær hrundu, heilögu borgir.“

13.
„En heimtirðu’ að skilja og eygja allt,
verða’ augu þín blind. Þú varast skalt
að koma með kröfu slíka.
Það sem heldur við lífinu heiminum í,
er hulda gátan, sem alltaf er ný,
og leitin að guöi líka.“
Ljóð höfundar – Þorsteinn Gíslason
Heiti:Benedikt Gröndal
≈ 1900
Fyrsta ljóðlína:Hátt skal það óma
Flokkur:AfmŠliskvŠ­i
Heiti:Borgarnes
≈ 1925
Fyrsta ljóðlína:Röðli mót á rústum fornum
Flokkur:AfmŠliskvŠ­i
Heiti:Fortölur
≈ 1900
Fyrsta ljóðlína:Hvað! Sérðu ekki fánana er fara um heim
Heiti:Fyrstu vordægur
≈ 1900–1925
Fyrsta ljóðlína:Ljósið loftin fyllir
Flokkur:Skˇlaljˇ­ (˙r bˇkinni)
Heiti:Göngu-söngur
≈ 1925
Fyrsta ljóðlína:Göngum drengir! Fótur fót
Heiti:Hornbjarg
≈ 1925
Fyrsta ljóðlína:Þótt mannanna þekking sje markað svið
Heiti:Húsbruni
≈ 1900
Fyrsta ljóðlína:Það stóð þarna á grundinni hólnum hjá
Heiti:Íslands minni
≈ 1900
Fyrsta ljóðlína:Vort elskaða land, sem úr leginum blá
Heiti:Jón biskup Arason
≈ 1925
Fyrsta ljóðlína:Heiðrist ennþá Hóla-karl
Fyrsta ljóðlína:Heilsteiptur, hreinn og beinn
Heiti:Lát koma vor
≈ 1900
Fyrsta ljóðlína:Lát koma vor með klið og söng
Heiti:Leiðsla
≈ 1925
Fyrsta ljóðlína:Gekk ég upp við Hamrahlíð
Heiti:Litli gimbill
≈ 1925
Fyrsta ljóðlína:Litli gimbill, lambið mitt
Flokkur:Skˇlaljˇ­ (˙r bˇkinni)
Heiti:Milljónamannsefnið
≈ 1925
Fyrsta ljóðlína:Jeg er inni og úti um stig
Heiti:Minni Íslands
≈ 1900
Fyrsta ljóðlína:Með allra heilla ósk í hug
Heiti:Skßldastyrkurinn
≈ 1900
Fyrsta ljóðlína:╔g vil a­ skßldin sÚu sv÷ng
Heiti:Tryggvi Gunnarsson
≈ 1925
Fyrsta ljóðlína:Þér vaxi, Ísland, vegur, dáð
Heiti:Útreiðar-dagur
≈ 1925
Fyrsta ljóðlína:Hestalykt við hrossarétt
Heiti:Vígslu-söngur
≈ 1900
Fyrsta ljóðlína:Þú, gyðja vors lands, - þjer, sem gafst oss það ljós
Fyrsta ljóðlína:Nú lifna blóm í bala
Heiti:Þegar skáldið dó
≈ 1925
Fyrsta ljóðlína:Er skáldið dó, þá var lík hans lagt
Lausavísur höfundar – Þorsteinn Gíslason
Sýna 24 lausavísur eftir höfundinn í öðrum söfnum á braganetinu